開學成班同學仔無精神，除左暑假剛剛完之外仲可能係因為班房太焗?!
一個班房入面坐左成班學生係度之後，好容易會空氣唔夠流通，鮮風量不足。而課室入面嘅塵同暑假裝修完未揮發晒嘅揮發性化合物，都係令學生容易攰同唔舒服嘅原因。想令學生開學就精神飽滿，全年學習效率都咁高就要諗下點樣改善班房嘅空氣質素。
鮮風量不足點樣影響表現?
由小學開始就會知道人吸入氧氣呼出二氧化碳。當一個空間入面有咁多人同時呼吸而空氣又唔夠流通嘅話，咁空間內嘅含氧量就會下降。空間含氧量低，係入面嘅不論係成年人定小朋友都會更易表現下降。長期係咁仲會引致頭痛同影響血壓。
而班房中嘅懸浮粒子同揮發性化合物會引致學生嘅氣管同皮膚容易過敏，眼亦都容易變乾。同樣會響學習表現。老師健康亦會受影響，令教學質素下降同人手安排容易出問題。如空間濕度太高就會容易發霉，除左有礙觀瞻，霉菌同樣會嚴重影響健康。
課室可以點樣改善室內空氣質素?
1/ 使用抽氣扇保持空氣流通
除左開大啲冷氣，仲可以使用抽氣扇同風扇。可以做到增加空間嘅新鮮空氣同時唔怕走太多冷氣。
2/ 使用循環扇
係特別室呢類較大嘅空間，冷氣開得大去令全個空間都夠涼，就會有部分學生太涷。咁可以使用循環扇，令室內氣温均勻同增加空氣流通。
3/使用空氣清新機
好用嘅空氣清新機，可以去除更多嘅污染物，包括懸浮粒子、病毒同揮發性化合物。 Roger 空氣清新機就係呢程全能型選手。加上佢體積不大，放係課室同教員室都唔會佔用大量空間。仲可以用手機實時測量空氣質量並立即檢測污染物，放便監察唔同課室嘅情況。
4/使用抽濕機控制室內濕度
天氣潮濕嘅時候，要使用抽濕機降低室內濕度嚟防霉。Stadler Form Albert抽濕機 就係一個好幫手。「四輪式腳輪」設計，方便靈活移動產品至學校不同角落進行抽濕，隱藏式設計唔容夾腳，令學生老師嘅安全受到保障。運作嘅時候夠晒靜，咁就擺係圖書館用都完全無問題。
