木質建材同傢俱，以致整體木系家居設計近期都非常受歡迎。因為木質一向都有温暖同簡約嘅感覺，配合森林浴等心靈療癒概念，令不同室內空間都增加使用木質內裝。但係木質嘅傢俱、內裝等都需要好嘅維護先可以歷久常新，越嚟越有個人特色。其中一個重要因素就係室內濕度，因為空氣中嘅濕度會影響木質同結構。嚟睇下可以點做秋冬天嘅木材保養?
木系家居保養須知：木材特質
新伐嘅樹本身有接近30%係水份，係製成木材期間會適度減少木中水份以便使用。而之後木材嘅狀能態就會視乎空氣中嘅濕度而定。木材會係潮濕天吸水發脹，到秋冬天就會將水份重新釋放同收縮。過濕會引致木材發霉；過乾則令木材容易變脆，所以要控制好空氣中嘅濕度。
木系家居保養須知：最適濕度
最理想嘅濕度會係40-60%，而當空氣濕度低於30%就要為木材加濕減少木質物料變形嘅機會。尤其係一啲多部件組成嘅木製傢俱同地台，因為若當中一個部件大細縮減太多就會影響結構嘅穩定性，造成安全隱患。木料過乾嘅木地板亦會出現過大嘅縫隙，影響美觀程度同安全。
木系家居保養須知：木料保養4式
1/ 以濕度計監測空氣濕度
2/ 減少使用暖氣嘅次數同保持空氣流通
3/ 定期保養木質傢俱例如打蠟
秋冬加濕器推薦
Stadler Form – George 空氣淨化器 (2in1功能)
George係空氣淨化同加濕二合一嘅機型，可以同一時間幫手減少乾敏同因懸浮粒子而造成嘅過敏。佢可以去除空氣中超過 66% 的顆粒物，同時為空氣加濕。將香薰油滴入內置組件，仲可以作擴香用途添。