係屋企，班房同辦公室有唔同嘅綠化，係會令個人舒服同放鬆。而唔少植物都有一定空氣淨化嘅功能，咁係香港呢啲污染都比較嚴重嘅地區又夠唔夠用?小編為你拆解之餘仲有專業方案俾大家，等大家可以遠離污染同敏感。
植物淨化空氣
有研究證實左有唔同品種嘅植物可以淨化空氣，同時提升空間嘅含氧量。更好嘅係, 呢類植物都非常容易適應半日照半遮陰嘅生長環境，非常適合唔同嘅室內空間入面種植。宜加就嚟睇下有咩品種可以做到呢種效果。
常春藤
出名粗生種嘅常春藤，係淨化空間上面都好有用。葉上面嘅細孔對室內有害物質有強大的嘅吸附能力，能夠有效吸收甲醛、苯等氣體。另外，常春藤亦能做到降溫、減噪等效果。
白鶴芋
佢除左係少數耐陰但又可以係夏天開花嘅植物之外，仲有大大塊嘅深綠色葉。觀賞極佳之餘，仲可以吸附空氣中甲醛、甲苯、二甲苯、氨、三氯乙烯等污染物。辦公室必備！
吊蘭
若果屋企有吸煙人士，吊蘭就係你必需種植嘅植物。因為佢有強大的去除甲醛能力，除此之外還可以吸收尼古丁、一氧化碳、過氧化氮和苯等物質。不過要留意返，因為吊蘭係根系非常發達嘅植物，要定期換盤先唔會枯萎。
植物淨化空氣嘅限制
如果植物咁好用，咁點解仲要花大錢買空氣清新機?當然係因為植物淨化空氣有唔同嘅限制，令空氣清新機仲有佢嘅價值。
環境差異
實驗嘅環境總係特別好同受控制，但現實總係無咁理想。結果就係淨化效果一定會打折扣，所以都係要用返空氣清新機嚟確保空氣質素。
空間大小限制
每一棵植物可以淨化嘅空間其實都唔係好大，有計算一間500尺嘅屋就會要5000棵植物。真係唔夠實際，以一部Stadler Form Roger為例就可以淨化到600尺嘅空間。
一部解決多種問題
植物一種只可以淨化一兩種污染，但一部空氣清新機就可以一機解決多種污染物。尤其係有雙重filter嘅空氣清新機，淨化效果就更加好。
