最近天氣又熱左，雖然濕度無之前咁高但係會要降一降温。唔需要做到巴黎選手村咁唔用冷氣，但有咩方法可以令冷氣再涼啲?
開風扇
風扇製冷可能未必夠冷氣強勁，但係大大加強空氣對流方面就非常有用。除左吹散濕氣，風扇仲可以令冷氣嘅冷風更好地係成個空間流通。變相唔駛開到冷氣非常大都可以屋頭涼到屋尾。循環扇同直立扇都好適合呢種情況。
若然真係冷氣壞左要用風力夠嘅風扇，咁工業風嘅風扇就會係你嘅救星。呢類風扇風距未必有循環扇高，但風力更大。自私吹嘅時候就更加涼快。不過呢類風扇一般都會放係地用，所以選擇容易清洗嘅型號就更加重要。
善用其它感官
人嘅五感都會影響對空間整體嘅認知，所以有人會用風鈴聲嚟令自己感覺涼啲。另一種方法就係用氣味。可以用香薰機不同香味，令日夜都可以格外清爽。日間可以用薄荷味同海洋系嘅香氣，夜晚就可以用薰衣草調嘅香薰。
