夏天為大地帶嚟雨水同蚊蟲。當蚊患指數開始升，然後消委會開始一年一度測驅蚊劑，再唔中意親親大自然嘅人都會開始感受到蚊同蠓造成嘅問題。除左出街噴蚊怕水，日常居家或者辦公室有咩方法可以驅蚊?
居家驅蟲法
出街可以靠鬆身淺色長袖衫褲同驅蚊產品，大廈整體就可以勤啲清理積水。咁自己屋企就可以用下面嘅方法解決：
裝蚊帳或蚊紗
直接將蚊拒於門外嘅最佳方法，但咁做必需要大家都記得關上窗紗先最有效。
用風扇
唔係小編強行吹奏風扇，而係空氣流動本身就係一個好嘅驅蚊方法。另外，人嘅體温同汗味都會惹蚊惹蠓，風扇吹涼左個人就可以進一步減少被叮咬嘅機會。想確保對流強度夠？有Simon 循環風扇嘅3D 振盪模式同高達 10 米的風距，就萬無一失啦。
種香草
無錯，只要保持花盤底碟無水同泥土濕度適中夠日曬，種香草可以有效驅蚊同蠓。羅勒、番茄、薰衣草、貓薄荷、百里香、鼠尾草同天竺葵等都可以有效地驅蟲，同時亦都可以曬乾掛去屋企唔同地方繼續用。
使用香薰/精油
認真唔係每個人都有種野嘅天分同時間，係辦公室入面種花亦唔係咩易事。咁香薰機會係你嘅好幫手，天竺葵、薄荷、百里香、鼠尾草等都係有效嘅精油選擇。喺公司唔想太明顯，可以用更為輕巧嘅 Zoe 香薰機。而喺屋企就可以選擇氣氛更好更chill嘅Sophie或Sophie Little，充滿電可以連續使用11小時，咁就想搬去邊用都咁方便。
